चोभारमा ‘मञ्‍जुश्री’ महोत्सव

काठमाडौं– पोखरीको रूपमा रहेको काठमाडौ उपत्यकाको पानीनिकाल्न डाँडा काट्ने मञ्जुश्री र चोभारको ऐतिहासिक धार्मिक पहिचान जगाउने उद्देश्यले ‘चोभार मञ्जुश्री धार्मिक सांस्कृतिक महोत्सव २०७५’ सञ्चालन हुने भएको छ । 

एक हप्ते महोत्सव साउन १३ गतेदेखि २१ गतेसम्म सञ्चालन गरिनेछ ।

महोत्सवमा शोभाकलस यात्रासहित योग शिविर, मण्डप पुजा, भागवत पाठपरायण तथा दवलीली झाँकीलगायतका कार्यक्रम हुने आयोजकले जनाएको छ । 

यही महोत्सवको अवसरमा चोभारमा निर्माण गरिएको मञ्जुश्रीको मूर्तिको पनि उद्घाटन गर्ने कार्यक्रम छ ।