एमाले एकताको मुख्य बाधक ओली : नेता खतिवडा

काठमाडौं- नेकपा एमालेको माधवकुमार नेपाल पक्षीय पोलिट्ब्यूरो सदस्य जगन्‍नाथ खतिवडाले पार्टी एकताको बाधक ओली पक्ष भएको दाबी गरेका  छन्।

नेपाल समूहको केन्द्रीय कमिटी बैठकमा बोल्दै नेता खतिवडाले भने, 'एकतामा बाधक ओली र उहाँको समूह नै देखिएको छ। हामी आत्मसम्मानसहितको एकता चाहन्छौं।'

आजको छलफलले अब के गर्ने भन्ने विषयमा आफूहरूले टुंगो लगाउने उनले बताए। 'सहमति र असहमतिको प्रक्रियाबाट नै निर्णय हुने हो। अहिले हाम्रो एउटा रणनीति भनेको आन्तरिक एकता हो। सरकारमा जाने कुरो हाम्रो प्राथमिकता होइन', उनले भने।

ओलीले एकता नचाहे मात्रै आफूहरूले विकल्प खोज्ने उनले बताए। सबै कार्यकर्ताको सम्मान, विचार र विधिबाट नै पार्टी चल्नुपर्छ भन्ने आफूहरूको मान्यता रहेको उनको भनाइ छ।