पहिलो अन्तराष्ट्रिय एक दिवसीय खेल्ने नेपाली टोलीको बिदाइ

काठमाडौं–नेदरल्यान्ड र एमसीसीबीच हुने त्रिकोणात्मक टि–२० र नेदरल्यान्डिसँग हुने एक दिवसिय अन्तराष्ट्रिय क्रिकेट खेल्न जाने नेपाली टोलीलाई बुधबार बिदाई गरिएको छ । 

त्रिकोणात्मक टि–२० जुलाई २९ मा लर्डस् मैदानमा हुनेछ । त्यसपछि नेपाल र नेदरल्यान्ड्सबीच अगस्ट १ र ३ मा एक दिवसिय क्रिकेट हुनेछ । 

पारस खड्काको कप्तानीमा मंगलबार १५ सदस्यीय क्रिकेट टोलीको घोषणा भएको थियो । टोली बिहीबार बेलायत प्रस्थान गर्नेछ ।

टोलीको उपकप्तान ज्ञानेन्द्र मल्ल, अनिल कुमार साह, बसन्त रेग्मी, दीपेन्द्रसिंह ऐरी, करण केसी, ललित भण्डारी, ललित नारायण राजवंशी र मोहम्मद आरिफ शेख छन् । यस्तै रोहति कुमार पौडेल, सन्दीप लामिछाने, शक्तिप्रसाद गौचन, शरद भेषवाकर र सोमपाल कामी टोलीमा छन् ।

नेपाली टोली सदस्य शक्ति गौचनले त्यहि नेदरल्यान्ड्ससँगको खेलपछि अन्तराष्ट्रिय क्रिकेटबाट संन्यास लिने घोषणा गरेका छन् ।  टोलीलाई युुवा तथा खेलकुद मन्त्री जगत विश्वकर्माले एक कार्यक्रमकाबीच  विदाई गरे ।