काठमाडौं- सरकारले आजबाट कर बढाएपछि इन्टरनेटको सेवा १३ प्रतिशतले महंगो भएको छ । विश्वभर इन्टरनेट सस्तो भइरहेका बेला नेपालमा भने सरकारले साउन १ गतेबाट लागु हुनेगरि १३ प्रतिशतले कर बढाएको हो ।
सरकारले इन्टरनेट सेवा प्रदायक कम्पनीहरुसँग अग्रीम कर बापत १० प्रतिशत, ग्रामिण दुरसञ्चार विकास कोषका लागि २ प्रतिशत, आम्दानीको ४ प्रतिशत, रोयल्टी, मुल्य अभिबृद्धी कर बापत १३ प्रतिशत, दुर सञ्चार सेवा शुल्क १३ प्रतिशत गरि ४२ प्रतिशत कर लिन्छ ।
सरकारले साउन १ गतेदेखि लगाएको १३ प्रतिशत कर उपभोक्ताका लागि साढे १४ प्रतिशत भन्दा बढि हुन आउँछ । नाफा गरेको आधारमा तिर्ने ३० प्रतिशत करपोरेट कर समेत हिसाब गर्ने हो भने सरकारले पाउने कर ७२ प्रतिशत हुन्छ ।
सरकारले लगाउने जुनसुकै करको पनि प्रत्यक्ष भार भने उपभोक्तामा नै पर्छ । तर साउनदेखि बढ्ने करको भार जनतालाइ नपर्ने सरकारी दावी छ । सरकारले इन्टरनेटको कर बढाउने तर त्यसको भार उपभोक्तामा नपर्ने दावी गरे पनि इन्टरनेट सेवा प्रदायक संस्थाले शुल्क बढाएका छन् । यसले उपभोक्तालाई नै मार परेको छ ।
प्रकाशित: Dec 31, 2017| 18:23 आइतबार, पुस १६, २०७४