काठमाडौं- ललितपुर प्रहरीले इटालीयन र जर्मन हतियारसहित दुई जनालाई पक्राउ गरेको छ। पक्राउ पर्नेमा ललितपुर ताल्छीखेलका रोसन सुब्बा र सोही महानगरपालिकाका मंगलबजारका चन्द्र अधिकारीलाई पक्राउ गरिएको छ।
उनीहरुको साथबाट एउटा इटालीयन-जर्मन पेस्तोल र त्यसमा लाग्ने ५४ थान गोली र तीन म्याग्जिन बरामद गरिएको प्रहरीले जनाएको छ।
हिजा(आइतबार) पनि महानगरिय प्रहरी परिसर काठमाडौंको टोलीले ललितपुरको नख्खीपोटबाट हतियारसहित दुई जनालाई पक्राउ गरेको थियो। अनुसन्धानको क्रममा थप दुईजना सोमबार पक्राउ परेको महानगरिय प्रहरी परिसर ललितपुरका नायब उपरीक्षक नरेन्द्र चन्दले जानकारी दिए।
उनीहरुलाई ५:३० बजे पत्रकार सम्मेलनमार्फत सार्वजनिक गरिदैँछ ।
प्रकाशित: Dec 31, 2017| 18:23 आइतबार, पुस १६, २०७४