काठमाडौं- फ्रान्सले विश्वकपको ट्रफी चुमेसंगै रसियामा भएको २१ औं विश्वकप फुटबल प्रतियोगिता औपचारिक रुपमा सकिएको छ ।
फ्रान्ससंग ४-२ गोलअन्तरले पराजित हुँदै पहिलो पटक फाइनलमा पुगेको क्रोएशियले उपविजेतामै चित्त बुझाउनु पर्यो । तर, टिमले उपाधि जित्न नसके पनि क्रोएशियाली कप्तान लुका मोड्रिचले विश्वकपको उत्कृष्ट खेलाडीको रुपमा गोल्डेन बल जितेका छन् ।
रियल मड्रिडबाट व्यवसायिक फुटबल खेल्ने मोड्रिच क्रोएशियालाई पहिलो पटक विश्वकपको फाइनलमा पुर्याउने नायक मध्येका एक हुन् । उनले क्रोएशियाली टिमको नेतृत्व गरेका थिए । यस्तै तेस्रो भएको बेल्जियमको एडेन हाजार्डले शिल्भर तथा फ्रान्सका एन्टोनी ग्रीजमनले ब्रोन्ज बल जिते ।
यसैगरि विश्वकपमा इंग्ल्याण्डले चौथो स्थानमा चित्त बुझायो । तर, उसका कप्तान तथा मुख्य स्ट्राइकर ह्यारी केनले सर्बािधक गोलकर्ताको रुपमा गोल्डेन बुट पुरस्कार पाए उनले विश्वकपमा सर्वाधिक ६ गोल गरे ।
विश्वकपको उत्कृष्ट गोलरक्षक बेल्जियमका थियागो कोट्वा बने । चेल्सीका स्टार गोलरक्षक कोट्वाले विश्वकपमा उत्कष्ट प्रदर्शन गरेका थिए । बेल्जियमले भने विश्वकपमा तेस्रो स्थानमा चित्त बुझाएको थियो ।
यस्तै च्याम्पियन फ्रान्सका युवा स्टार किलिएन एम्बाप्पेले बेस्ट योङ प्लेअरको अवार्ड जिते । उनी विश्वकपको फाइनलमा गोल गर्ने पेलेपछि पहिलो टिनएजर प्लेअर बनेका छन् । यस विश्वकपमा एमबाप्पेले कूल ४ गोल गरे जसमा फाइनलको एक गोल पनि समावेश छ ।
प्रकाशित: Dec 31, 2017| 18:23 आइतबार, पुस १६, २०७४