सप्तरी- क्रिकेट संघको आयोजनामा भएको प्रथम मेयर कप सप्तरी प्रिमियर लिग प्रतियोगिताको उद्घाटन खेलमा बोदे बर्साइन थन्डरले जित निकालेको छ। रोमाञ्चक खेलमा बोदे बर्साइन थन्डरले तिलाठी कोइलाडी महिन्द्रा हिरोजलाई रोमान्चक खेलमा ४ रनले पराजित गरेको हो।
सिद्धान्त लोहनी कप्तान रहेको बोदे बर्साइनले टस जितेर पहिलो ब्याटिङ रोजेको थियो। बोदे बर्साइनले १९ दशमलब १ ओभरमा ८६ रन बनायो । जवाफमा ८७ रनको लक्ष्य पछ्याउने क्रममा जित नजिक पुगेको तिलाठी कोइलाडी ४ रनले चुक्न पुग्यो।
अन्तिम ओभरमा जितको लागि २४ रन आवस्यक आवस्यक रहंदा तिलाठी कोइलाडीका ब्याट्सम्यान विकास दासले लेग स्पिनर बिक्रम भुसालको पहिलो २ बलमा तथा ओभरको चौथो बलमा छक्का प्रहार गर्दै खेल रोमान्चक स्थितिमा पुर्याएका थिए।
अन्तिम २ बलमा ६ रन आवस्यक रहदा अन्तिम बलमा १ रन मात्रै बनाउन सक्दा मेहबुब आलम कप्तानीको टिमले हार बेहोर्न बाध्य भयो। बोदे बर्साइनका लागि रोहन बिकले सर्वाधिक १८ रन तथा सन्दिप ढुंगानाले १३ रन बनाए। तिलाठीका बलर घनश्याम साहले ४ विकेट तथा दिब्यान्शु मालिक र मेहबुब आलमले समान २ र २ विकेट लिए।
तिलाठीका लागि विकास दासले अविजित २४ रन तथा मिनास थापाले १५ रन बनाए। खेलको प्लेयर अफ द म्याच ४ विकेट लिएका बोदेका बलर नन्दन झा घोषित भए। ३ टिम सहभागी प्रतियोगिताको खेलाडीहरु अक्सन मार्फत चयन गरिएको थियो।
प्रकाशित: Dec 31, 2017| 18:23 आइतबार, पुस १६, २०७४