पाल्पाको भालेबास खोलामा बस खस्यो

पाल्पा- पाल्पाको भालेबास नजिकैको खोलामा यात्रुवाहक बस खसेको छ ।  बुटवलबाट पोखरा जाँदै गरेको लु१ख ७२७२ नम्बरको बस खोलामा खस्दा २६ जना घाइते भएको प्रहरीले जनाएको छ । 

प्रहरीका अनुसार घाइते भएकामध्ये तीन जनाको अवस्था गम्भीर छ । सडकबाट बस सीधै खोलामा झरेको प्रत्यक्षदर्शीले जनाएका छन् । 

प्रहरी र स्थानीय मिलेर अहिले पनि उद्धार कार्य जारी राखेको पाल्पाबाट पत्रकार जगदिश भट्टराईले जानकारी दिएका छन् । दुर्घटनामा घाइते भएकालाई उपचारका लागि लुम्बिनी मेडिकल कलेज पुर्याइएको छ ।