लुम्बिनी प्रदेशसभाको विशेष अधिवेशन साउन २७ गतेका लागि आह्वान

बुटवल– लुम्बिनीका प्रदेश प्रमुख अमिक शेरचनले प्रदेशसभा बैठक आह्वान गरेका छन्। साउन २७ दिनको १ बजे प्रदेश प्रमुखबाट प्रदेशसभाको विशेष अधिवेसन आह्वान भएको प्रदेश सभा सचिव दुर्लभकुमार पुन मगरले जानकारी दिए।  

नेपालको संविधानको धारा १८३ को उपधारा ३ बमोजिम प्रदेश प्रमुखबाट अधिवेशन आह्वान भएको पुनद्वारा जारी सूचनामा उल्लेख छ। लुम्बिनी प्रदेशका विपक्षी दलहरुले तेस्रो पटक मुख्यमन्त्री शंकर पोखरेलविरुद्ध अविश्वासको प्रस्ताव दर्ता गरेका थिए। 

अविश्वासको प्रस्तावमाथि छलफल गर्न उनीहरुले विशेष अधिवेशन बोलाउन प्रदेश प्रमुख समक्ष समावेदन दिएका थिए।