भदौमा छैठौँ फर्निचर तथा फर्निसिङ एक्स्पो, सय स्टल सहभागी 

काठमाडौं–‘फर्निचर तथा फर्निसिङ एक्स्पो’फर्नेक्स आगामी भदौ १४ गतेदेखि काठमाडौंको भृकुटीमण्डपमा आयोजना हुने भएको छ । नेपालमा उपलब्ध फर्निचर तथा फर्निसिङका उत्पादनको प्रवद्र्धन गर्ने उद्देश्यले एक्स्पो  गर्न लागिएको  हो । 

सन् २०१२ देखि नियमित रुपमा प्रत्येक वर्ष एक्स्पो आयोजना हुँदै आएको छ । नेपाल फर्निचर्स तथा फर्निसिङ संघले आइतबार  काठमाडौंमा पत्रकार सम्मेलन गरी एक्स्पोको बारेमा जानकारी गराएको छ ।
सञ्चालन हुन गाइरहेको उक्त छैठौं संस्करण फर्नेक्स २०१८  एक्स्पोलाई होम डेकोर विशेष बनाइने संघले जनाएको छ । बढ्दो आधुनिक जीवनशैलीसँगै बढ्दै गएको इन्टेरियर डिजाइनका लागि एक्स्पो उचित गन्तव्य हुने भनिएको । एक्स्पोको व्यवस्थापन इभेण्ट सोलुसन प्रालिले गर्ने छ ।  

आयोजकका  अनुसार एक्स्पोमा किचन, बेडरूम, बाथरूमका साथै आउटडोर फर्निचर, इण्टेरियर डिजाइनर, कार्पेट, मार्बललगायत सामग्री प्रदर्शनीको मुख्य आकर्षण रहने छ । पर्दा, म्याट्रेस, डेकोरेशन सामग्री, होम डेकोर, अफिस फर्निर, होम अप्लाइन्सेज, मेशिनरी औजारका साथै वास्तुसँग सम्बन्धित उत्पादन लगायतको समते प्रदर्शनी गरिने आयोजकको भनाइ छ ।

प्रदर्शनीमा फर्निचरको प्रदर्शनी मात्र नगरी त्यसका उपयोगिता, प्रयोग विधि, बनोटका बारेमा पनि अवलोकनकर्तालाई जानकारी गराउने आयोजकले बताएको छ । फर्निसिङ व्यवसायमा आधुनिक प्रविधि भित्र्याउँदै फर्निचरजन्य उत्पादनमा मुलुकलाई आत्मनिर्भर बनाउन एक्स्पोले टेवा पुर्याउने अपेक्षा गरिएको छ ।

मौलिक तथा परम्परागत फर्निचरका साथै आधुनिक शैलीका फर्निचरका उत्पादनका बारेमा जानकारी लिन सेवाग्राहीलाई एक्स्पो उचित गन्तव्य हुने संघका अध्यक्ष राजेश अग्रवालले बताका छन् ।  उनले नेपाल फर्निचर तथा फर्निसिङमा आत्मनिर्भर हुने दिषामा अघि बढेको बताए ।

५ दिनसम्म चल्ले एक्स्पोमा स्वदेशी तथा विदेशी गरी १ सय बढी फर्निचर र फर्निसिङ सामग्रीका स्टल रहने आयोजकको भनाइ छ । मुलकुमा करिब ३० अर्ब रुपैंया बराबरको वार्षिक वर्षेनी फर्निचर तथा फर्निसिङका उत्पादनहरुको कारोबार हुदै आएको व्यवसायीहरुको भनाइ  छ ।