काठमाडौं-नेपालमा केहीवर्ष यता मनशुनको प्रकृति फरक भएको छ । अहिले मनशुन सक्रियछ । कतै वर्षाकै कारण पहिरो र डुबान छ भने, कतै धुलो मार्ने पानी मात्रै परेको अवस्था छ ।
लगातार रूपमा वर्षा हुने बेला यस वर्ष भने अस्वभाविक रूपमा रोकिदै पानी पर्ने गरेको छ । यसबाट आकाशे पानीमा निर्भर भई हुने गरेको रोपाईमा असर गरेको छ । असार अन्तिमसम्म आइपुग्दा पनि ५० प्रतिशत खेती हुन नसकेको कृषि विभागका प्रवक्ता डा. रामकृष्ण श्रेष्ठ बताउँछन् ।
यो साताको पहिलो तीन दिन मंगलबारसम्म पनि हल्का तथा मध्य वर्षामात्र हुने मौसम तथा विज्ञान–प्रविधि पूर्वानुमान् महाशाखाले जनाएको छ । परिचम र पूर्वमा भने भारी वर्षा मंगलबारदेखि नै हुने देखिएको छ ।
जलवायु परिर्वतन यसको प्रमुख कारण मानिएको छ । यस बाहेक पनि मनशुनको पोजिसन र बंगालको खाडीबाट आउने ‘लो प्रेसर’ अथवा ‘डिप प्रेसर सिस्टम’ ले पनि प्रभाव पार्ने गरेको छ । मौसमविद् वरूण पौडेलका अनुसार मनशुस अनियमितता हुनुको प्रमुख कारण जलवायु परिवर्तन नै हो ।
नेपालको पूर्व र मध्यमा अनुमान गरे अनुसार नै वर्षा भएको छ । वर्षायाम जारी रहेकाले यो साता मनशुन केही सक्रिय हुने मौसमविद पौडेलले बताए । भदौको अन्तिम सातादेखि असोजको पहिलोसातासम्म रहने गरेको छ ।
जेठ १७ देखि असार २४ सम्ममा देशभर चार सय मिलीलिटर पानी परेको छ । सँधै पर्ने पानीको तुलनामा यो करिब २० प्रतिशतमात्र रहेको जल तथा मौसम विभागले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४