काठमाडौं- राष्ट्रिय पुनर्निर्माण प्राधिकरणका प्रमुख कार्यकारी अधिकृत (सीईओ) आइतबारबाट पदमुक्त भएका छन् ।
मन्त्रिपरिषद्ले १४ भदौ ०७४ पछि गरिएका राजनीतिक नियुक्ति बदर गर्ने निर्णय गरेअनुसार उनी पदमुक्त भएका हुन् । आइतबार दिउँसो १ बजे एक कार्यक्रम गरेर सीर्इओ भुसाललाई बिदाइ गर्न लागेको प्राधिकरणले जनाएकाे छ ।
प्रधानमन्त्री कार्यालयले शुक्रबार नै प्राधिकरणमा पत्र पठाएर पदमुक्त भएको जानकारी गराए पनि पत्र ढिला गरी प्राप्त भएको बताउँदै उनी आइतबारबाट मात्रै औपचारिक रूपमा बिदा भएका हुन् । नेपाली कांग्रेस निकट भुसाल ६ कात्तिक ०७४ मा प्राधिकरणको सीईओ नियुक्त भएका थिए ।
तीन वर्षयता प्राधिकरणको नेतृत्व चार पटक फेरिएको छ । अब पाँचौं सीईओ नियुक्तिको तयारीमा सरकार लागेको छ ।
प्रकाशित: Dec 31, 2017| 18:23 आइतबार, पुस १६, २०७४