काठमाडौं-जारी विश्वकपको क्वार्टरफाइनल खेलमा इङल्याण्डले स्वीडेनवरिुद्ध अग्रता दोब्बर बनाएको छ । खेलको ५८ औं मिनेटमा इङल्याण्डका डेले अलिले गोल गर्दै अग्रता दोब्बर बनाएका हुन । उनले जेसेस लिङ्गार्डको पासमा उत्कृष्ट गोल गरेका हुन्।
खेलको ३० औं मिनेटमा ह्यारी मगुइरे गोल गर्दै इङल्याण्डलाई सुरुवाती अग्रता दिलाएका थिए। उनले एस्ले योङगको पासमा उत्कृष्ट हेडिङ गर्दै गोल गरेका थिए। यो गोलसँगै इङल्याण्डले स्वीडेन विरुद्ध २-० को अग्रता बनाएको छ। खेलको सुरुवाती समाय देखिनै इङल्याण्डले स्वीडेन विरुद्ध आक्रमक खेलेको छ।
स्वीडेनले केहि गोल गर्ने अवसहरु पाए पनि गोल गर्न भने सकेको छैन। अहिलेसम्म स्वीडेन र इङल्यान्डको भेट २४ खेलमा भएको छ । जसमध्ये ८ खेलमा इङल्यान्डले जितेको छ भने ७ खेलमा स्वीडेनले बाजी मारेको छ । त्यस्तै, ९ खेल इङल्यान्ड र स्वीडेनले बराबरी खेलेका छन् ।
प्रकाशित: Dec 31, 2017| 18:23 आइतबार, पुस १६, २०७४