विश्वकप ट्रफि नउचालेका महान खेलाडी 

काठमाडौं- रुसमा जारी विश्वकप २०१८ लाई अप्रत्याशित नतिजाको विश्वकप भन्दा फरक नपर्ला । समूह चरणबाटै पुर्वच्याम्पियन जर्मनी बाहिरिँदा शीर्ष १६ बाट अर्जेन्टिना, पोर्चुगल र स्पेन जस्ता सवल टिम पनि बाहिरिए । यससँगै टिममा आबद्ध स्टार खेलाडीको विश्वकप जित्ने सपना पनि अधुरै रह्यो ।

लियोनल मेस्सी र क्रिष्टियानो रोनाल्डो जस्ता नाम चलेका खेलाडीले अहिले सम्म विश्वकप ट्रफि उचालेका छैनन् । यि दुबै खेलाडीले विश्वकपका चार संस्करण खेले । तर, दुबै खेलाडी शीर्ष १६ बाटै बाहिरिए । यदि चार बर्षपछि २०२२ मा कतारमा हुने विश्वकपमा सहभागिता जनाएमा ३१ वर्षका मेस्सी र ३३ वर्षका रोनाल्डो आफ्नो सपना पुरा गर्ने दाउमा हुने छन् । 

तर, जसरी अहिले विश्वकपमा अप्रत्याशित नतिजा आयो त्यस्तै भए आउदो विश्वकपमा पनि उनीहरुको सपना पुरा नहुने अनुमान गर्न सकिन्छ । यि दुबै खेलाडीले विश्व फुटबलमा सर्वश्रेष्ठ खेलाडीको ट्रफि जितिसकेका छन् । तर, आफ्नो देशका लागि विश्वकप जिताएका छैनन् ।

विश्वकप सपना अधुरा रहेका यी दुई जना खेलाडीमा मात्र नभई विश्व फुटबल इतिहासमा केहि अन्य खेलाडी पनि रहेका छन् । जसले विश्व फुटबल इतिहासमा व्यक्तिगत रुपमा उत्कृष्ट साबित भएपनि देशलाई विश्वकप ट्रफि दिलाउन सकेनन् ।

जोहान क्रुफ (होल्याण्ड)

होल्याण्का जोहान क्रुफ युरोपको फुटबल इतिहासमा सबै भन्दा उत्कृष्ट खेलाडी मानिन्छन्। उनले १९७४ मा पश्चिम जर्मनीमा भएको विश्वकपमा होल्याण्ड टोलीको नेत्रित्व गरेका थिए र आफ्नो टिमलाई फाइनलसम्म पुर्‍याएका थिए । बिडम्बना होल्याण्ड फाइनलमा जर्मनी सँग २-१ ले पराजित हुदै ट्रफि उचाल्नबाट बन्चित रह्यो । जोहानले विश्वकपमा तीन पटक गोल्डेन बल जिते । तर, विश्वकप ट्रफि जित्न सकेनन्।

फ्रेरेंस पुस्कास (हंगेरि-स्पेन)

पुस्कास एक उत्कृष्ट फरवाडका रुपमा चिनिन्छन । उनले १९५२ को ओलम्पिक खेलमा आफ्नो टिमलाई स्वर्ण पदक दिलाए । त्यसको दुई बर्ष पछि १९५४ मा स्विट्जरल्याण्डमा भएको विश्वकपमा आफ्नो टिमलाई फाइनलसम्म पुर्‍याए । यस विश्वकपमा उनको टिमलाई विश्वकपको दाबेदारको रुपमा हेरिएको थियो । बिडम्बना पश्चिम जर्मनीसँग हार बेहोर्नु पर्‍यो । पछि उनी स्पेनको नागरीक बने र १९६२ सालमा चिलीमा भएको विश्वकपमा स्पेनको प्रतिनिधित्व गर्दे विश्वकपमा सहभागीता जनाए । तर, त्यो विश्वकप पनि जित्न सकेन।

अल्फ्रेडो डि स्टेफनो (अर्जेन्टिना-स्पेन)

फिफाले डि स्टेफनोलाई २० औं शताब्दिको पाँच सबैभन्दा उत्कृष्ट खेलाडीको सुचिमा राखेका थिए । जसमा पेले, म्याराडोना, क्रुफ र बैकेनबोर थिए । यति उत्कृष्ट खेलाडिका बाबजुदपनि उनले कहिले विश्वकप खेल्नै पाएनन् । पहिला उनी अर्जेन्टिनाबाट खेल्थे । अर्जेन्टिनाले १९५० र १९५४ को विश्वकपमा सहभागीता नै जनाएन ।

यसपछि उनी अर्जेन्टिना छोडेर स्पेन गए । तर बिडम्बना १९५८ को विश्वकपमा स्पेन क्वालिफाइट नै भएन । १९६२ को विश्वकपमा चोटका कारण उनी आफु सहभागी भएनन् ।

युसेबियो (पोर्चुगल)

युसेबियोको जन्म मोजाम्बिकमा भएको थियो । त्यतिबेला खेल मोजाम्बिकमा पोर्चुगलको सासन थियो । युसेबियोलाई पोर्चुगली फुटबल इतिहासका पहिला महान खेलाडी मानिन्छन् । १९६५ मा उनलाई युरोपको सर्वश्रेष्ठ खेलाडी घोषित भएका थिए । १९६६ मा इङल्याण्डमा भएको विश्वकपमा युसेबियोको उत्कृष्ट खेलको मदतले पोर्चुगल सेमिफाइनल पुगेको थियो । तर, पोर्चुगल सेमिफाइनलमा इङल्याण्डसँग २-१ ले पराजित हुदै बाहिरियो ।

जर्ज बेस्ट (उत्तरी आयरल्याण्ड)

उत्तरी आयरल्याण्डका महान फुटबल खेलाडी जर्जले विश्वकपमा खेलेनन् । उनले डेनिस लावी बाबी चार्ल्टनसँग मिलेर १९६८ मा युरोपियन कप खेले । उनले म्यानचेस्टर सिटीलाई च्याम्पियन बनाए । त्यसै बर्ष उनी युरोपका उत्कृष्ट खेलाडी भएका थिए ।

मैक्रो वैन बैस्टन (होल्याण्ड)

मैक्रोले एक मात्र विश्वकपमा सहभागीता जनाएका थिए । उनले इटालीमा भएको १९९० को विश्वकप भन्दा पहिले १९८८ मा युरोपियन च्याम्पियन बनाइ सकेका थिए । उनी १९९२ मा विश्वका उत्कृष्ट खेलाडी चुनिएका थिए । उनले तीन पटक पटक गोल्डेन बल पनि जितेका थिए । तर, १९९३ मा २८ बर्षको उमेरमा खेलमा दौरान गम्भिर चोटका कारण उनको फुटबल भविश्यलाई समाप्त गरेको थियो ।

यिनै तमाम खेलाडीका बाबजुद पनि अरु धेरै खेलाडी रहेका छन् । जस्तैः पाउलो मेल्डिनी (इटाली), लुइस फ्रिगो (पोर्चुगल), ज्रिको (ब्राजिल), रोबर्टो बैगियो (इटाली) र माइकल प्लेटिनी (फ्रान्स)