काठमाडौं- दामोदरकुण्ड गाउँपालिका ३ स्याङ्बोचेमा कालीगण्डकी करिडोर सडकमा काम गर्ने मजदुर चढेको ट्रिपर दुर्घटनामा १५ जनाले ज्यान गुमाएका छन्। ज्यान गुमाउनेमा ४ जना महिला र ११ जना पुरुष रहेका छन्।
प्रमुख जिल्ला अधिकारी शिशिर पौडेलका अनुसार ३२ जना सवार टिपरमा १५ जनाको घटनास्थलमै मृत्यु भएको छ। उनका अनुसार दुर्घटनामा १७ जना घाइतेलाई उद्दार गर्न काठमाडौंबाट नेपाली सेना र एयर डाइनास्टिकको गरी दुर्इवटा हेलिकप्टरबाट पोखरा र काठमाडौं ल्याइएको छ।
बाटो बनाउने कामदार बोकेको बा २ क २२१९ नम्बर टिपर साढे २ बजेतिर अनियन्त्रित भएर सडकबाट करिब ५० मिटर तल खसेको जिल्ला प्रहरी प्रमुख मुस्ताङका प्रहरी नायब उपरीक्षक महेन्द्र खडकाले जानकारी दिएका छन्।
मृतकहरुको नामावली१ जि. दाङ वर्ष ३० को बाल कुमार घर्ती
२ जि. रोल्पा वर्ष २८ को सुकमान रोका
३ जि. धादिङ वर्ष २३ को सुजन घलान (चालक)
४. जि. सिन्धुली वर्ष २०को जिवन माझी
५. जि. कैलाली वर्ष २२ को बिन्ती घर्ति
६. जि. रोल्पा वर्ष १९ को महेश रोका
७. जि. कपिलवस्तु वर्ष ३५ को कमान सिंह रोका
८. जि. दाङ वर्ष ३१ की कबिता घ.म. (महिला)
९. जि. रोल्पा वर्ष ३२ को रामकुमार पुन
१० जि. दाङ वर्ष ३५ को सुबेर चौधरी
११. जि. कैलाली वर्ष २३ की बिनिता घर्ती (महिला)
१२. जि. दाङ वर्ष ४३ की शान्ती थापा ( महिला )
१३. जि. रोल्पा वर्ष ३२ की सोन्तु घर्ती (महिला )
१४. जि. स्याङ्जा वर्ष २४ को कृष्ण क्षेत्री
१५. जि. दाङ वर्ष २५ को कमल बुढा
प्रकाशित: Dec 31, 2017| 18:23 आइतबार, पुस १६, २०७४