डा केसीलार्इ इमरजेन्सीमा सारियो 

काठमाडौं- शनिबारदेखि आमरण अनशन बसिरहेका डा गोविन्द केसीलार्इ इमरजेन्सीमा सारिएको छ। 

स्वास्थ्यमा गम्भिर समस्या देखिएपछि उनलार्इ अहिले कर्णाली चिकित्सा स्वास्थ्य विज्ञान प्रतिस्ठानको इमरजेनस्सी वार्डमा लगिएको जिल्ला प्रहरी कार्यालय प्रमुख जुम्लाका प्रहरी नायब उपरीक्षक तपन कुमार दाहालले जानकारी दिए। 

जिल्ला सदरमुकाम खलंगास्थित कर्बडहलमा अनशन बसीरहेका डा केसी बुधबार एक्कासी छटपटाउन थालेपछि उनका सहयोगी किशोर केसीले चिकित्सकको टोलीलार्इ खबर गरेको कर्णाली चिकित्सा स्वास्थ्य विज्ञान प्रतिस्ठानमा कार्यरत चिकित्सक डा विनोद अर्यालले बताए।

डा अर्यालका अनुसार डा केसीको छातिमा समस्या आएको छ। उनले भने, ' डा केसीको धड्कन एकदमै घटेको, ग्लुकोजको मात्रा ४० मा झरेको र अक्सिजनको लेभल पनि ८० मा झरेको छ। उहाँलार्इ अहिले नसाबाट स्लाइन पानी र अक्सिजन दिने काम भइरहेको छ।'

डा केसीले अन्य कुनै उपचार लिन नमानेको डा अर्यालले नेपाल समयलार्इ जानकारी दिए।