चार हात, चार खुट्टा भएको अनौठो बच्चाको जन्म

धनगढी- टीकापुर अस्पतालमा अनौठो नवजात शिशुको जन्म भएको छ। जानकी गाउँपालिका-३ लायकपुरकी २२ वर्षीया शान्ति चौधरीले अनौठो शिशु जन्माएकी हुन्।

नवजात शिशुको चार हात, चार खुट्टा र २ मेरुदण्ड रहेको छ। मेडिकल सुपरिटेन्डेन्ट डा. नरेन्द्रकुमार खनालले राति ११ बजेतिर शिशु जन्मिएको बताए। नवजात शिशु स्वस्थ रहेको अस्पतालले जनाएको छ।

परिवारका अनुसार आमालाई सोमबार दिउसो ३ बजे व्यथा लागेको थियो। उनलाई राति १० बजे मात्रै अस्पताल पुर्‍याईएको थियो। अस्पताल पुर्‍याएको केही समयमा नर्मल डेलिभरी भएको डा. खनालले जानकारी दिए। चौधरीको यो पहिलो सन्तान हो।