काठमाडौं– जारी विश्वकप फुटबल प्रतियोगिता अन्तर्गत शनिबार भएको पहिलो प्री क्वाटर फाइलमा फ्रान्स विजयी भएको छ । फ्रान्सले अर्जेन्टिनालाई ४–३ गोल अन्तरले पराजित गरेको छ ।
खेलको १३ औ मिनेटमा एन्थोनी ग्रीजमेनको पेनाल्टी प्रहारबाट एक शुन्यको अग्रता लिएको फ्रान्सले शुरुवाती अग्रता जोगाउन नसक्दा ४१ औ मिनेटमा बराबरीमा पुगेको थियो । खेलको ४१ औ मिनेटमा अर्जेन्टिनाका डीमारियाले आकर्षक गोल गरेका थिए । एन्थोनी र डीमारियाको एक एक गोलसँगै खेलको पहिलो हाफ बराबरीमा सकिएको थियो ।
पहिलो हाफ अघि दबाबमा रहेको अर्जेन्टिना दोस्रो हाफमा सशक्त बनेर आउँदा खेलको अग्रता लिएको थियो । कप्तान लियोनल मेस्सीको सानदार गोलसँगै दुई एकको अग्रता लिएको अर्जेन्टिनाले धेरै समय टोलीलाई अग्रस्थानमा पुर्याउन सकेन । त्यसपछि फ्रान्सले लगातार तीन गोल गर्यो ।
फ्रान्सका लागि खेलको ५७ औ मिनेटमा पाभर्डले गोल गर्दै खेललाई बराबरीमा ल्याए । त्यसको सात मिनेटपछि ६४ औं मिनेटमा एम्बाप्लेले अर्को गोल गर्दै खेललाई तीन दुईको अन्तरमा पुर्याए । एक गोलको अग्रता लिएको फ्रान्सका तर्फबाट चार मिनेटपछि ६८ औं मिनेटमा एम्बाप्लेनै अर्को गोल गर्दै खेललाई चार दुईको अग्रता दिलाए ।
खेलको थपिएको समयमा अर्जेन्टिनाका सर्जियोले तेस्रो गोल गरेसँगै फ्रान्स चार तीन गोल अन्तरले विजयी बनेको छ ।
योसँगै फ्रान्स क्वाटरफाइनलमा प्रवेश गरेको छ । प्रतियोगिता अन्तर्गत शनिबार राति पौने १२ बजे हुने खेलमा पोर्चुगल र उरुग्वेबीच प्रतिस्पर्धा हुनेछ ।
प्रकाशित: Dec 31, 2017| 18:23 आइतबार, पुस १६, २०७४