काठमाडौं- सरकारी घोषणाको विरोध गर्दै विवकशिल साझा पार्टीले गरेको प्रदर्शनमा प्रहरीले धरपकड गरेको छ ।
माइतीघर मण्डलामा विरोध प्रदर्शन गर्नेक्रममा प्रहरीले विवेकशील साझा पार्टीका नेता कार्यकर्तामाथि धरपकड गरेको हो ।
प्रहरीले पार्टीका संयोजक उज्जवल थापा, अधिवक्ता डा सुरेन्द्र भण्डारी, शशिविक्रम कार्कीलगायत नौ जनालाई पक्राउ गरेको छ । पक्राउ परेका उनीहरूलाई महानगरीय प्रहरी वृत्त सिंहदरबारमा राखिएको छ । सरकारले काठमाडौं उपत्यकाका सात ठाउँबाहेक अन्त सभा, सम्मेलन र प्रदर्शन गर्न नपाइने घोषणा गरेको छ । त्यसको विरोधमा विवेकशील साझाले प्रदर्शन गरेको हो ।
प्रदर्शनका क्रममा उनीहरूले नागरिक स्वतन्त्रता खोस्न दिँदैनौं, निषेधित क्षेत्र घोषणा अवज्ञा गर्छौं, अधिकारकै लागि लड्छु भन्ने अनि आफैं नागरिकको अधिकार खोस्नेलगायत पम्प्लेट बोकेका थिए ।
सरकारले खुलामञ्च, तीनकुने चौर, भुइँखेल चौर, पेप्सीकोला खेल मैदान, सानो गौचरण, लैनचौर समाज कल्याण परिषद् अगाडि र सिफल चौरमा मात्रै विरोध सभा गर्न दिने निर्णय गरेको छ ।
प्रकाशित: Dec 31, 2017| 18:23 आइतबार, पुस १६, २०७४