काठमाडौं- इंग्ल्यान्डको नटिंघममा जारी इन्डिया–इंग्ल्यान्ड टेस्ट सिरिजअन्तर्गत पहिलो इनिङमा घरेलु टिम १ सय ८३ रनमा अल आउट भएको छ।
घरेलु टिमलाई सस्तैमा समेट्न इन्डियाका जसप्रित बुमराह, मोहम्मद शामी, सद्धुल ठाकुर र मोहम्मद शिरजले क्रमशः ४, ३, २ र १ एक विकेट गिराएका थिए।
अर्का अलराउन्डर रविन्द्र जाडेजाले ३.६६ को इकोनोमी दिए पनि विकेट लिन सकेनन्।
इन्डियाको पेचिलो बलिङका बाबजुद इंग्ल्यान्डका कप्तान जोय रुटले १०८ बल खेलेर ६४ रन बनाए भने जोन्नी बेयरिस्टोले २९ रन जोडे। ज्याक क्राउली र सकाम कुरनले समात २७–२७ रन जोड्नुबाहेक अन्य खेलाडीले सम्झनलायक प्रदर्शन गर्न सकेनन्।
ओपनर रोरी बर्नस, डान लरेन्स, जस बटलर र ओली रोविन्सन त शून्य रनमा आउट भएका थिए। इंग्ल्यान्ड ६४ ओभर चार बल मैदानमा टिकेको थियो।
टेस्टको पहिलो दिनमै ब्याटिङ सुरु गरेको इन्डियाले विकेट नगुमाई २१ रन बनाइसकेका छन्। अहिले केएल राहुल र राहित शर्मा ब्याटिङमा छन्। दोस्रो दिनको खेल आज साढे तीनबाट सुरु हुँदैछ।