काठमाडाैं- नेपाल कम्युनिस्ट पार्टीले ईतिहासमा नौलो अभ्यास गर्ने भएको छ। सो पार्टीले महानगर, नगर र गाँंउपालिकामा संसदीय दल बनाउने प्रस्ताव अगाडि बढाएको छ।
केन्द्र र प्रदेशमा सो पार्टीले संसदीय दल गठन गरीसकेको छ। सो पार्टीले नयाँ संविधानअनुसार प्रदेश र स्थानीय तहमा पनि सरकार गठन भएको भन्दै सबै तहमा संसदीय दल सञ्चालन गर्न लागेको हो ।
स्थानीय तहमा संसदीय दल सञ्चालनका लागि नेकपाले पार्टी विधानको धारा ५५ मा महानगरपालिका, उपमहानगरपालिका, नगरपालिका र गाउँपालिकामा स्थानीय तह संसदीय दल गठन गर्ने व्यवस्था गरेको छ ।
पार्टीका तर्फबाट निर्वा्चित, मनोनीत, सम्पूर्ण पदाधिकारी तथा सदस्यहरू रहने गरी स्थानीय तह संसदीय दल गठन हुनेछ ।
सम्बन्धित पार्टी कमिटीको सिफारिसमा जिल्ला कमिटीले स्थानीय तहको प्रमुख वा उपप्रमुख वा उपाध्यक्ष र सो पनि नभए वरिष्ठ सदस्यलाई दलको नेता तोक्ने विधानले प्रस्ताव गरेको छ । त्यस्तै, दलको नेताले उपनेता, प्रमुख सचेतक र सचेतक तोक्ने विधानको प्रस्ताव छ ।
प्रकाशित: Dec 31, 2017| 18:23 आइतबार, पुस १६, २०७४