विराटनगर- प्रहरीले जवान पदको लागि लिइएको परीक्षमा नक्कली परीक्षार्थी फेला परेका छन्। प्रदेश १ प्रहरी तालिम केन्द्र विराटनगरले लिइरहेको परीक्षामा नक्कली विद्यार्थी फेला परेका हुन्।
६ जना नक्कली विद्यार्थीलाई अन्तरवार्ताका क्रममा पक्राउ गरिएको प्रहरीले जानकारी दिएको छ। पक्राउ पर्नेमा भोजपुरको पौवादुङ्मा गाउँपालिका–६ का २३ वर्षीय सूर्य राई, १९ वर्षीय सागर राई, २२ वर्षीय संगम राई, धनकुटा साँगुरीगढी गाउँपालिका-८ का १९ वर्षीय सरोज राई, धनकुटा शहीदभूमि गाउँपालिका-३ का २१ वर्षीय खपाङ राई र २७ वर्षीय राजकुमार राई रहेका छन्। उनीहरूमाथि थप कारवाहीका लागि मोरङ प्रहरीको जिम्मा लगाइएको छ।