काठमाडौं- फुटबलमा एसियको महारथी मानिने जापान एफसी एसियन कपको चार पटकको च्याम्पियन हो । पछिल्लो पटक २०११ मा एफसी एसियन कपको च्याम्पियान बनेको जापानले सन् १९९८ बाट एफसी एसियन कप खेल्न थालेको थियो ।
एफसी एसियनका लागी १९६८ बाट क्वालिफाई खेल खेल्न थाले पनि सन् १९९८ मा मात्र एफसी एसियन कपकालागि क्वालीफाईड भएको थियो । एशियन कपका आठ संस्करणमा सहभागी भएको जापान १९९२, २०००, २००४ र २०११ गरी चार पटक उपाधि जित्दा २००७ मा भने चौथो स्थानमा झर्यो।
जारी विश्वकपको समुह ‘एच’ मा रहेको जापनको यो छैठौं विश्वकप यात्रा हो । सन् १९५४ बाट विश्वकपका लागी क्वालिफाई खेल खेल्न शुरु गरेको जापानले ४४ बर्षको संघर्षपछि सन् १९९८ मा पहिलो पटक विश्वकपमा सहभागीता जनाएको थियो ।
१९९८ देखी २०१८ सम्मको विश्वकपमा निरन्तर सहभागीता जनाउँदा जापानले हालसम्म शिर्ष १६ सम्मको यात्रा तय गरेको छ । त्यो नै जापानको विश्वकप यात्रामा अहिले सम्मको उत्कृष्ट प्रदर्शन हो । २००२ मा आफ्नै मुलुकमा आयोजना भएको विश्वकपमा समुह ‘एच’ बाट विजेता बन्दै शिर्ष १६ मा पुगेको थियो । तर, शिर्ष १६ मा टर्कीसंग १-० ले पराजित हुँदै बाहिरियो ।
२००६ मा समुह चरणबाट बाहिँरिदा पुनः २०१० मा विश्वकपमा दोस्रो पटक शिर्ष १६ मा प्रवेश गरेको थियो । २०१० मा समुह ‘ई’ को उपविजेता बन्दै शिर्ष १६ मा प्रवेश गरेको हो । शिर्ष १६ मा पाराग्वेसँग निर्धारित समयको खेलमा गोल रहित बराबरी खेलेपछि खेल पेनाल्टिसुट आउटमा धकेलिएको थियो । तर, पेनाल्टि सुट आउटमा जपान पाराग्वेसँग ५-३ गोलले पराजित हुँदै बाहिरियो ।
२०१४ मा समुह चरणबाट बाहिँरिदा जारी विश्वकपमा भने शिर्ष १६ मा पुग्ने अनुमान गरिएको छ । जारी विश्वकपमा समुह ‘एच’ मा रहेको जापानले आफ्नो पहिलो खेल कोलम्बियालाई २-१ ले पराजित गर्दै सुखद शुरुवात गरेको थियो । जापानका लागी सेन्जी र ओसाकोले समान एक एक गोल गरे ।
त्यस्तै दोस्रो खेलमा सेनेगलसंग २-२ को बराबरी खेल्दै शिर्ष १६ मा पर्ने सम्भावना जिवितै राखेको छ । दोस्रो खेलमा जापानका लागी ताकासी र होन्डाले समान एक एक गोल गरेका थिए ।
जारी विश्वकपको आजको खेलमा जापानले आफ्नो तेस्रो खेल समुह ‘एच’ को पुछारमा रहेको पोल्याण्डसँग खेल्ने भएको छ । आजको खेल जापानले बराबरी खेले मात्र पनि शिर्ष १६ मा सजिलै पुग्नेछ ।
प्रकाशित: Dec 31, 2017| 18:23 आइतबार, पुस १६, २०७४