काठमाडौं- प्रधानमन्त्री केपी शर्मा ओलीले आफुलाई आलोचना गर्न सबैलाई छुट भएको बताएका छन् । जननेता मदन भण्डारीको ६७ औं जन्मजयन्तीको अवसरमा मदन भण्डारी फाउन्डेशनले बिहीबार राजधानीमा आयोजना गरेको कार्यक्रममा बोल्दै उनले यस्तो बताएका हुन्।
आलोचना गर्नुस, सुझाव दिनुस तर तपाइले गरेको आलोचना दश बर्षपछि जस्ताका त्यस्तै हेर्दा तपाइलाई लाज नहोस’ ओलीले भने। उनले आफुले रेल र पानी जहाजका कुरा गर्दा हावादारी गफ भन्नेहरुले सबै तहका निर्वाचनमा यी नारा दिएको उनले बताए।
आफुले नेपालको पानी जाहाजको कुरा गर्दा कागजको पानी जाहाज बनाएर सडकमा प्रदर्शन गरिएको भन्दै ओलीले भने, ‘अलिकति पैसा नपुगेर पानी जाहाज सञ्चालनमा ढिलाइ भएको हो, आउने पुस १६ बाट त्रिवेणी चतरा धामबाट त्यो सञ्चालन हुन्छ’।
प्रधानमन्त्री ओलीले शुरुमा काम गर्नेले यस्तै आलोचना भोग्नु पर्ने बताए।
प्रकाशित: Dec 31, 2017| 18:23 आइतबार, पुस १६, २०७४