रसुवा- रसुवामा पहिरोले मालवाहक कन्टेनर र जिप बगाएको छ । पासाङ ल्ह्यामु राजमार्गअन्तर्गत पर्ने कालिका गाउँपालिका–१ राम्चेमा पहिरोले कन्टेनर र जिप बगाएको हो ।
चीनको केरुङबाट स्याउ लिएर काठमाडौँतर्फ आउँदै गरेको ना ६ ख ७५९० नम्बरको कन्टेनर र नुवाकोटबाट धुन्चे जाँदै गरेको बा १५ च २७३५ नम्बरको जिप पहिरोले बगाएको जिल्ला प्रहरी कार्याmय रसुवाले जनाएको छ ।
पहिरोले गाडी बगाए पनि यात्रु भने सुरक्षित रहेको प्रहरीले जनाएको छ । वर्षासंगै गएको पहिरोका कारण सडक समेत अवरुद्ध भएको छ ।
प्रकाशित: Dec 31, 2017| 18:23 आइतबार, पुस १६, २०७४