धनगढी-प्रदेश ७ का मुख्यमन्त्री त्रिलोचन भट्ट अस्वस्थ भएका छन् । भट्टलाई मंगलबारदेखि नै ज्वरो आउने, पेट र जिउ दुख्ने समस्या देखिएको उनको निजी सचिवालयले जानकारी दिएको छ ।
उपचारका लागि बुधवार बिहानै धनगढीको सेती अञ्चल अस्पतालमा लगिएको र त्यहा विशिष्ट व्यक्तिका लागि राम्रो वेडको व्यवस्था नहुदा आवासमै राखेर उपचार भइरहेको प्रमुख स्वकीय सचिव शिवसिं वलिले जानकारी दिए ।
‘मुख्यमन्त्री ज्यू विहानै अस्पताल पुग्नुभएको थियो,’ सेती अञ्चल अस्पतालका आकस्मिक कक्षका प्रमुख कृष्णबहादुर बोहराले भने, ‘अस्पतालमा राम्रो वेड नभएपछि उहाँकै निवासमा उपचार शुरु गरिएको छ ।’
बोहराले नै मुख्यमन्त्रीको उपचारका लागि निवासमा गएका थिए । ‘चेकजाचको क्रममा ज्वरो आउने, पेट र जिउ दुख्ने समस्या देखिएको छ । रगत र पिसाव चेक गर्दा खासै समस्या नदेखिएको र उनलाई भाइरल ज्वरो भएको बोहराले बताए ।
भट्ट मंगलबार मात्रै गृह जिल्ला डोटी पुगेर फर्किएका थिए र उनलाई चिकित्सकले दुई दिन आराम गर्न सल्लाह दिएका छन् ।
प्रकाशित: Dec 31, 2017| 18:23 आइतबार, पुस १६, २०७४