कोलम्बियाले पोल्याण्डलाई समुह चरणबाटै घर पठायो

एजेन्सी- पोल्याण्ड विश्वकप फुटबल प्रतियोगिताको समुह चरणबाटै बाहिरिएको छ । जारी समुह चरणको दोस्रो खेलमा पनि पराजित भएसंगै पोल्याण्ड समुह चरणबाटै घर फर्किन बाध्य भएको हो ।
 
पहिलो खेलमा सेनेगलसँग २-१ गोलले पराजित भएको युरोपेली टोली पोल्याण्लाई दोस्रो खेलमा दक्षिण अमेरिकी टोली कोलम्बियाले ३-० नमिठो हार चखाएको छ ।

यो हारसंगै पोल्यान्ड एक खेल खेल्नु अघि नै घर फर्किने निश्चित भएको छ । पोल्याण्डले समूहको २ खेलबाट अंक जोड्न सकेको छैन भने आजको जितपछि कोलम्बियाको ३ अंक भएको छ ।

आइतबार राती भएको खेलमा पोल्याण्ड कोलम्बियासंग ३-० गोल अन्तरले पराजित भयो । कोलम्बियालाई खेलको ४०औँ मिनेटमा येरी मिनाले अग्रता दिलाएका थिए ।

पहिलो हाफ एक शून्यको अवस्थामा सकिएको थियो भने दोस्रो हाफमा कोलम्बियाले थप दुई गोल र्गयो । दोस्रो हाफमा कोलम्बियाका राडामेल फल्काओले ७०औँ र ७५ औँ मिनेटमा जुआन चुवाड्राडोले जाली चुमाएका थिए।