प्रधानमन्‍त्री अाेली आज स्वदेश फर्किने

काठमाडौं- ६ दिने औपचारिक चीन भ्रमण सकेर प्रधानमन्त्री केपी शर्मा ओली आज स्वदेश फर्किदै छन् । उनीसहितको नेपाली प्रतिनिधिमण्डल बिहान साढे १० बजे त्रिभुवन विमानस्थल आइपुग्ने प्रधानमन्त्रीको निजी सचिवालयले जनाएको छ ।

प्रधानमन्त्री ओलीले चीन भ्रमणका क्रममा त्यहाका राष्ट्रपति, प्रधानमन्त्री लगायत उच्च अधिकारीहरुसंग भेटवार्ता गरेका थिए भने विभिन्न सन्धी सम्झौता समेत गरेका छन् ।

ओलीको चीन भ्रमणका क्रममा काठमाडौंसम्म रेल ल्याउने समझदारी पत्रमा हस्ताक्षर भएको छ । दुई देशबीच गएको विहीबार रेलमार्गसहित विभिन्न १४ विषयमा सम्झौता र सहकार्यका लागि पत्र आदानप्रदान भएको हो । 

रेलबहेक उर्जाका विषयमा पनि चीनसंग महत्वपूर्ण सम्झौता भएको छ । भ्रमणका क्रममा करिब एक दर्जन सन्धी सम्झौता भएको परराष्ट्रा मन्त्रालयले जनाएको छ । प्रधानमन्त्रीको चीन भ्रमण अत्यन्त सफल भएको पनि सरकारले दाबी गरेको  छ ।