काठमाडौं - महानगरीय प्रहरी परिसर काठमाण्डौंले सुनका गहना चोरी गर्ने तथा लागु औषध कारोबारमा संलग्न सात जनालाई काठमाण्डौंको विभिन्न स्थानबाट पक्राउ गरेको छ ।
सुन चोरीमा संलग्न काठमाण्डौं बुढानिलकण्ठ- ४ का १६ उपेन्द्र खरेल, सोही स्थानको वडा नम्बर-३ का १७ वर्षीय राजन खनाल तथा धादिङ रुबीभ्यालीका २१ वर्षीय सौरभ तामाङ छन । उनीहरुले गत शनिबार टोखा नगरपालीका ९ का भिमबहदुर पुनलार्इ पक्राउ गरेको हो । गत जेठ २० गते सुरक्षा मानन्धरको डेराबाट गहना जिन्सी तथा नगद लुटेका थिए ।
लुटिएको गहना किन्ने पेमा गहना पसलका सञ्चालका सौरभ तामाङले खरिद गरेका थिए । प्रहरीले उनीहरुको साथबाट सुनका गहनाको साथै गालिएको सुनसमेत बरामद गरेको छ ।
महानगरीय प्रहरी वृत्त महाराजगञ्जले लागुऔषध डाईजेपाम एम्पुल ३३२ फेनारागन एम्पुल ३२८ तथा नुफिन एम्पुल ३२३ सहित काठमाण्डौं टोखाका विक्रम थापा तथा धादिङ निलकण्ठ ११ गैह्रीगाँउका ओमराज धमलालई पक्राउ गरेको हो ।
प्रारम्भिक अनुसन्धानबाट उनीहरु व्यावसायिक लागुऔषध कारोबारी भएको प्रहरीले जनाएको छ ।
त्यसैगरी काठमाण्डौं म्हेपीबाट गाँजा ओसारपसारमा संलग्न रसुवा भोर्लेका रन्जीत लामा तथा इटहरी ३ का सुरज जोशीलाई १ के . जी २०० ग्राम गाजाँसहित प्रहरी वृत्त लैनचौरले पक्राउ गरेको हो ।
प्रकाशित: Dec 31, 2017| 18:23 आइतबार, पुस १६, २०७४