केहीबेरमा एसर्इर्इ नतिजा, यसरी हेर्नूस् रिजल्ट

काठमाडौँ- यस वर्षको एसर्इर्इ परीक्षाको नतिजा आज (शनिबार) चार बजे सार्वजनिक हुने भएको छ ।

नतिजा सार्वजनिकका लागि उत्तरपुस्तिका ‘इन्ट्री र रुजु’ गर्नेलगायत सबै काम सकिएको र अहिले केहीबेरमा बोर्ड बैठक बसेर नतिजा सार्वजनिक गर्ने परीक्षा नियन्त्रण कार्यालय सानोठिमीका परीक्षा नियन्त्रक अम्बिकाप्रसाद रेग्मीले नेपाल समयलाई जानकारी दिए ।

नियन्त्रक रेग्मीका अनुसार चार बजे औपचारिक रूपमा नतिजा सार्वजनिक गरिने छ । सार्वजनिककै क्रममा रिजल्ट कसरी थाहा पाउने भन्ने विषयमा पनि जानकारी गराउने उनले बताए ।

यस वर्षको एसर्इर्इ परीक्षामा साधारणतर्फ चार लाख ८५ हजार पाँच सय ८६ परीक्षार्थी सहभागी भएका छन् भने प्राविधिकतर्फ  आठ हजार सात सय आठ जना सहभागी छन् ।

यसरी हेर्नु नतिजा

एसईईको नतिजा वेवसाइट, एसएमएस र आईभिआरबाट प्रकाशन हुने भएको छ । नेपाल टेलिकम, आकाश टेक प्राली, फोकशवान नेपाल, एनसेल, वान अप कम्युनिकेशन, जानकी टेक्नोलोजी, एजि सर्भिस लगायतबाट एसएमएसमार्फत हेर्न सकिन्छ ।

परीक्षा नियन्त्रण कार्यालय सानोठिमी भक्तपुरको बेवसाइट http://www.soce.gov.np मा हेर्न पनि सकिने बोर्डले जनाएको छ । त्यस्तै शिक्षा मन्त्रालयको www.doe.gov.np, शिक्षा विभाग सानोठिमी भक्तपुरको www.doe.gov.np, राष्ट्रिय परीक्षा बोर्ड सानोठिमी भक्तपुरको www.neb.gov.np र नेपाल टेलिकमको http://www.slc.ntc.net.np, एनसेल प्रा. लि.को www.ncell.axiata.com मा गएर पनि परीक्षाको नतिजा हेर्न सकिने बोर्डले जनाएको छ । तर, लोड बढी भएका कारण यी साइटहरू खुल्न सकेका छैनन् ।