बस ट्रकसँग ठोक्किँदा १५ घाइते

नवलपरासी- पूर्व‐पश्चिम राममार्गअन्तर्गत पूर्वी नवलपरासीको गैँडकोटमा शनिबार बिहान भएको सवारी दुर्घटनामा १५ यात्रु घाइते भएका छन् ।

गैँडाकोट-९ थुम्सीमा पश्चिमबाट पूर्वतर्फ आइरहेको ना ६ ख ५९२७ नम्बरको ट्रकलाई सोही दिशाबाट आउँदै गरेको ना ६ ख ४१६ न को बसले पछाडिबाट ठक्कर दिँदा बसमा सवार १५ जना यात्रु घाइते भएका हुन् ।

घाइतेमध्ये केहीको अवस्था गम्भीर रहेको छ । सबै घाइतेको पुरानो मेडिकल कलेज भरतपुर चितवनमा उपचार भइरहेको प्रहरीले जनाएको छ ।