१४ वर्षकी एक बालिकाको दैनिकी कस्तो होला ? हामी अनुमान गछौं, यो उमेरका बालबालिकाहरु पढाई लेखाईमा व्यस्त हुन्छन् । अनि उनीहरुका सुनौला दिनहरु साथिसंगती समक्ष आनन्दका साथ खेल्नु नै हो । तर, धेरै १४ वर्षे बालिकाहरुको दैनिकी यस्तो छैन ।
एउटा यस्तो दरर्दनाक पीडा लिएरकी बालिका छन् । उनको जीवनको कहानीले धेरैको आङ सिरिङ पार्छ । घटना हो : भारतको राजधानी दिल्लीभन्दा ६ सय ८० किलोमिटर दूरीमा रहेको उत्तर प्रदेशको बहराइच जिल्लाको ।
यहाँकी एक बालिका १४ वर्षको उमेरमा बलात्कारको सिकार बनिन् । उनी बलात्कृत भएको डेढ वर्ष पुग्दा पनि न्याय पाएकि छैनन । बरु बलात्कारबाटै गर्भवती बनेकी उनी आफ्नो सन्तानको रेखदेखमा दैनिकी गुजार्न बाध्य भएकी छन् ।
आमा गुमाएकी बालिका र उनका बुबा दुवै अनपढ हुन् । उनकी दिदीको जसोतसो बुबाले विवाह गरिदिएका थिए । गरिबीको रेखामुनीको यो परिवारलाई हातमुख जोर्नका साथै अब भविष्यमा हुने छोरीको विवाहले चिन्तामा धकेलेको थियो ।
यसैक्रममा छिमेकका ५५ वर्षका एक व्यक्तिसँग बालिकाका बुबाको भेट भयो । उनले लखनउमा गरिब किशोरीहरुको विवाहका लागि सरकारले पैसाको व्यवस्था गरिदिने कथा उनले सुनाए । यो सुचनाले हर्सित उनका बुबाले लखनउसम्म पठाउने पैसाको बन्दोबस्त गराएर तिनै ५५ वर्षे प्रौढको साथ लगाएर छोरीलाई पठाए ।
उनले भनेकोजस्तो सहयोग पाउनु त एकादेशको कुरा ६ महिनापछि सार्वजनिक घटनाले बाबु तथा छोरी दुवै छांगाबाट खसे । छोरीको जीउ विस्तारै बढ्दै गएपछि उपचारका लागि लैजाँदा उनको पेटमा ६ महिनाको गर्भ रहेको पुष्टि भयो ।
विवाहको लागि सहयोग गर्ने बाहनामा बालिकालाई लिएर गएका तिनै ५५ वर्षे व्यक्तिले लखनउ जाँदा, बस्दा र घर फर्कँदा बलात्कार गरेको बालिकाले बताइन । शुरुमा डरले केही नभनेको भन्दै उनले पेटमा बच्चा बसेको विषयमा गरिएको केरकारमा बच्चा बस्नुको कारण सुनाएकी थिइन् ।
त्यसपछि उनले जुन २०१६ मा बलात्कारको उजुरी दिए । यो उजुरीबाट प्रहरीले अनुसन्धान थालेपनि डीएनए परीक्षणको रिर्पोट नआएका कारण अझै पीडितले न्याय पाएकी छैनन् । हातमुख जोड्न धौधौ परिरहेको परिवारका लागि अहिले अर्को सन्तान पनि थपिएको छ ।
पीडित बालिका अहिले १६ वर्ष पुग्न लागिन तर, उनले पाउने आर्थिक सहयोग तथा न्याय पाउन सकेकी छैनन् । प्रहरीले पनि उजुरीका विषयमा अनुसन्धान गरेको र डीएनएको रिर्पोट आएपछि अभियुक्तलाई कारबाही गर्ने जनाएको छ । बीबीसी
प्रकाशित: Dec 31, 2017| 18:23 आइतबार, पुस १६, २०७४