ताप्लेजुङ- पूर्वी नेपालमा ६ मिनेटको अन्तरमा दुईवटा भूकम्पको धक्का महसुस गरिएको छ । ताप्लेजुङको पूर्वी भागस्थित सिदिङ्वा गाउँपालिकाको सादेवा केन्द्र बनाएर ९ बजेर ५४ मिनेटमा र १० बजे भूकम्प गएको हो ।
९ बजेर ५४ मा ४ दशमलव ८ र १० बजे ४ दशमलव ७ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ ।
यो धक्का अघिल्ला भूकम्पहरूको परकम्प नभई नयाँ भूकम्प भएको केन्द्रले जनाएको छ । यसअघि गत गत बैशाख २२ गते बेलुका ८ बजेर २२ मिनेटमा ताप्लेजुङलाई नै केन्द्रविन्दु बनाएर भूकम्प गएको थियो ।
प्रकाशित: Dec 31, 2017| 18:23 आइतबार, पुस १६, २०७४