विश्वकपको आगामी खेल नेयमारले खेल्न नसक्ने !

एजेन्सी- ब्राजिलियन स्टार नेयमारले विश्वकप फुटबलका आगामी खेल गुमाउने सम्भावना बढेको छ । अभ्यासको क्रममा दायाँ खुट्टाको दुखाई बढेकापछि उनलाई पशिक्षणबाट निकाली उपचारका लागि फिजिसियनकोमा पठाइएको छ । 

दायाँ खुट्टा भाँच्चिएका कारण नेइमार लामो समयपछि ३ जुनमा भएको कोस्टारिकाविरुद्धको विश्वकप अभ्यास खेलमा मैदानमा फर्केका थिए । पुनः दाँया खुट्टामा दुखाइ बढेपछि उनलाई उपचारका लागि पठाइएको हो । 

विश्वकपको पहिलो खेलको क्रममा उनीमाथि भएका १० फलबाट केही घाइते भएका थिए । नेइमार दुईदिन उपचार गरेपछि मात्रै प्रशिक्षणमा फर्कने ब्राजिलियन टोलीका प्रवक्ता भिनिसिअस रोड्रिगेजले बताएका छन् । 

पहिलो खेलमा ब्राजिलले १–१ को बराबरी खेलेको खेलमा नेइमारले गोल भने गर्न सकेका थिएनन् । तर उक्त खेलमा भएको फाउलहरुको कारण उनको गोलिगाँठोको चोट बल्झिएको हुनसक्ने बेलायती अनलाइन पत्रिका डेली मेलले जनाएको छ।

आगामी शुक्रबार ब्राजिलले कोस्टारिकासँग समूह चरणको दोस्रो खेल खेल्ने छ । समूहको दोस्रो खेलमा सम्भवत नेयमार खेल्ने छैनन् ।