सुदूरपश्चिम प्रदेशको बजेट पारित : कांग्रेस, जसपा र ओलीपक्षका सांसद बजेट पारितको विपक्षमा

धनगढी- सुदूरपश्चिम प्रदेशको आगामी आर्थिक वर्ष २०७८/७९ को वार्षिक बजेट पारित भएको छ।

‘हुन्छ’ भन्ने भन्दा ‘हुन्न’ भन्ने संख्या न्यून रहेकाले बजेट पारित भएको सभामुख अर्जुनबहादुर थापाले घोषणा गरे।

बजेटमाथि प्रमुख प्रतिपक्षी दल नेपाली कांग्रेस र प्रतिपक्षी दल जनता समाजवादी पार्टी र सत्तापक्षकै नेकपा एमाले केपिशर्मा ओली पक्षका प्रदेश सभा सदस्यहरुले भने बजेट पारितको विपक्षमा आवाज उठाएका थिए।

आर्थिक मामिला मन्त्री प्रकाशबहादुर शाहले आगामी आर्थिक वर्षका लागि ३० अर्ब ३३ करोड ९४ लाख ५५ हजार रुपैयाँको बजेट प्रस्तुत गरेका थिए। 

चालुतर्फ १० अर्ब ६६ करोड ९० लाख तीन हजार रुपैयाँ र पुँजिगततर्फ १७ अर्ब ६५ करोड ४० लाख ५२ हजार रुपैयाँ विनियोजन गरिएको छ।