काठमाडौं- सरकारले कोरोना संक्रमण निको भइसकेकाहरूलाई परीक्षणको नेगेटिभ रिपोर्ट अनिवार्य नगर्न निर्देशन दिएको छ। विभिन्न सरकारी, गैरसरकारी तथा निजी कार्यालयहरूले नेगेटिभ रिपोर्ट अनिवार्य गरेपछि स्वास्थ्य मन्त्रालयले यस्तो निर्देशन दिएको हो।
कोरोना संक्रमण पुष्टि भएको १० दिनपछि लक्षण नदेखिएमा अन्य व्यक्तिमा संक्रमण सर्ने सम्भावना कम हुन्छ। यस्तो अवस्थामा परीक्षण गर्नुपर्ने कुनै वैज्ञानिक आधार नरहेको स्वास्थ्य मन्त्रालयले जनाएको छ ।
यदि १० दिनपछि पनि कोभिड–१९ का लक्षण देखिएको खण्डमा लक्षण देखिन छोडेको थप ३ दिनसम्म आइसोलेसनमा बस्न मन्त्रालयले आग्रह गरेको छ। यस्तो गरेमा संक्रमण अरु व्यक्तिमा नसर्ने भएकाले नेगेटिभ रिपोर्ट अनिवार्य नरेहको मन्त्रालयलले जनाएको छ।