एजेन्सी- विश्वकप फुटबलअन्तर्गत समूह ‘जि’ को खेलमा बेल्जियमले सानदार सुरुवात गरेको छ । सोमबार राती भएको खेलमा पानामालाई ३–० गोलअन्तरले पराजित गर्दै बेल्जियमले सानदार सुरुवात गरेको हो ।
बेल्जियमको जितमा रोमेलु लुकाकुले २ र ड्रियस मार्टेन्सले १ गोल गरे । ड्रियस मार्टेन्सले खेलको ४७ औं मिनेटमा गोल गर्दै बेल्जियमलाई १–० गोलको अग्रता दिलाएका थिए । त्यस्तै, लुकाकुले खेलको ६९औं र ७५औं मिनेटमा उत्कृष्ट गोल गर्दै बेल्जियमलाई ३–० गोलले विजयी गराए ।
पहिलो हाफमा उत्कृष्ट प्रदर्शन गरेको पानामाले दोस्रो हाफमा भने फितलो प्रदर्शन गर्यो । पहिलो हाफसम्म बेल्जियमलाई गोलरहित बराबरीमा रोक्न सफल पानामाले दोस्रो हाफमा फितलो प्रदर्शन गरेपछि बेल्जियम लगातार ३ गोल गर्न सफल भयो ।
जितसंगै बेल्जियमले महत्वपूर्ण ३ अंक जोडेको छ । हार बेहोरेको पाानामा पहिलोपटक विश्वकप फुटबलमा सहभागि भएको राष्ट्र हो ।
प्रकाशित: Dec 31, 2017| 18:23 आइतबार, पुस १६, २०७४