काठमाडौं- नेपाली कांग्रेसका महामन्त्री शशांक कोइरालाले विमलेन्द्र निधि र प्रकाशमान सिंहसँग मुख्य गरी तीन विषयमा छलफल गरिएको बताएका छन्।
नेताहरू शशांक कोइराला, विमलेन्द्र निधि र प्रकाशमान सिंहबीच भएको भेटमा राष्ट्रिय राजनीति, सर्वोच्च अदालतमा विचारधीन प्रतिनिधि सभा विघटनको मुद्दा र कांग्रेसको आगामी महाधिवेशनबारे छलफल भएको शंशाक कोइरालाले जानकारी दिएका छन्।
'हामीबीचको छलफल मुख्यगरी तीन विषयमा केन्द्रित थियो। राष्ट्रिय राजनीति, सर्वोच्च अदालतमा विचाराधीन प्रतिनिधि सभा विघटन र कांग्रेसको आगामी महाधिवेशनबारे कुराकानी भयो, ' महामन्त्री कोइरालाले भने।