दक्षिणकालीको पिकनिक स्पटनजिक शौचालयमा भेटियो महिलाको शव

काठमाडौं– दक्षिणकालीमा एक महिलाको शव फेला परेको छ। अनुहार नचिनिने अवस्थामा वयष्क महिलाकोे शव भेटिएको अपराध अनुसन्धान महाशाखाका एसएसपी  चन्द्रबहादुर खापुङले जानकारी दिए।

‘दक्षिणकालीकोे पिकनिक स्पट नजिक रहेको पुरानो ट्वाइलेटमा महिलाको शव भेटिएको हो, अहिलेसम्म शवकोे पहिचान हुन सकेको छैन,’ खापुङले नेपाल समयसँग भने।

अनुसन्धानका लागि प्रहरीले फरेन्सिक चिकित्सककोे टोली र तालिमप्राप्त कुकुरलाई पनि बोलाएको छ। खापुङका अनुसार शव अन्दाजी ३०–३२ वर्षीया महिलाको रहेको छ।

‘अहिलेसम्म शवको पहिचान र सनाखत हुन सकेको छैन, घटनाबारे थप अध्ययन अनुसन्धान गरिरहेका छौं,’ एसएसपी खापुङले भने।