धनगढी- कैलालीको गोदावरी नगरपालिका-३ मा करेण्ट लागेर एक जानाको ज्यान गएको छ । गोदावरी नगरपालिका-८ का प्रयाग चौधरीको करेन्ट लागेर ज्यान गएको हो ।
मालाखेती गाउँमा रहेको विद्युतको ट्रान्सफर्मर मर्मत गर्ने बेला करेण्ट लागेर उनको निधन भएको हो । करेन्ट लागेर घाईते भएका उनलाई उपचारको लागी सेती अञ्चल अस्पताल पुर्याएपछि निधन भएको जिल्ला प्रहरी कार्यलय कैलालीले जनाएको छ ।
करेण्ट लागेर सोही ठाउँका मंगल चौधरी घाइते भएका छन । उनको कोहोलपुरमा उपचार भइरहेको छ । दुबै जना विद्युतको प्राइभेट कम्पनी वीरभद्र बिजुली सेवा अत्तरियामा कार्यरत कर्मचारी हुन ।
प्रकाशित: Dec 31, 2017| 18:23 आइतबार, पुस १६, २०७४