काठमाडौं– सर्वोच्च अदालतले कोभिसिल्डको पहिलो खोप डाेज लगाएका ज्येष्ठ नागरिकलाई दोस्रो डोज खोप यथाशीघ्र दिन सरकारका नाममा अन्तरिम आदेश जारी गरेको छ। न्यायाधीश ईश्वरप्रसाद खतिवडाको इजलासले मंगलबार अन्तरिम आदेश जारी गरेको उक्त मुद्दामा बहस गरेका अधिवक्ता कीर्तिनाथ शर्मा पौडेलले जानकारी दिए।
फागुनमा कोभिसिल्डको पहिलो डोज लगाएका ज्येष्ठ नागरिकलाई दोस्रो डोज खोप दिन ढिला भए पनि सरकारले चासो नदिएको भन्दै रिट दायर गरिएको थियो। ६५ वर्षमाथिका साढे १३ लाख ज्येष्ठ नागरिकले पहिलो डोज खोप लगाएको १२ हप्ता नाघिसकेको छ।