हेटौंडा- हेटौंडाका अधिकांश पसल बिहान र दिउँसो पालैपालोसँग चल्न पाउने गरी स्थानीय प्रशासनले आजबाट निषेध आदेशथप गरेको छ।
सवारीसाधन पनि जोरबिजोर गरेर सञ्चालन गर्न दिने तर निषेध आदेश भने एक साता थप गर्ने जिल्ला प्रशासन कार्यालय मकवानपुरले निर्णय गरेको छ।
बैठकले फलफूल, खाद्यान्न र तरकारी पसल बिहान ४ देखि दिउँसो १२ बजेसम्म र हार्डवेयर, कपडा, जुत्ता र कस्मेटिक पसल दिउँसो १२ देखि ४ बजेसम्म खुलाउने निर्णय गरेको जिल्ला प्रशासन कार्यालयले जनाएको छ।
समय निर्धारण गरी पसल खुल्ने, गाडी चल्ने गरी फेरी पनि खुकुलो लकडाउन कायमै गरी निषेध आदेश थप गरिएको हो।