काठमाडौं- नेकपा माओवादी केन्द्रले पार्टी छाडेकालाई केन्द्रीय कमिटीको बैठकमार्फत साधारण सदस्यबाटै हटाउने निर्णय गरेको छ। माओवादीले दल छाडेका स्थानीय तहका जनप्रतिनिधि र केन्द्रीय सदस्यहरूलाई पार्टीबाट निष्काशन गर्ने निर्णय गरेको हो।
सोमबार भर्चुअल बैठक गर्दै माओवादी केन्द्रीय समितिको आकस्मिक बैठकले पार्टी अनुशासन उल्लंघन गर्नेहरूलाई निष्काशन गर्ने निर्णय गरेको स्थायी कमिटी सदस्य गणेश लामाले बताए।
उनले निष्कासन गरिएकाहरूको अभिलेखिकरण सच्याउन निर्वाचन आयोगमा पत्र पठाउने निर्णयसमेत भएको उनले बताए।
पार्टी त्यागेका स्थानीय तहका जनप्रतिनिधि र केन्द्रीय सदस्यहरुलाई पार्टीबाट निष्कासन गर्ने निर्णयलाई औपचारिकता दिइएको उनले बताए। कारबाहीमा स्थानीय तहदेखि केन्द्रसम्मका नेताहरू परेका छन्।