काठमाडौं- नेपाली कांग्रेस सभापति शेरबहादुर देउवाले आज तीन प्रदेशका आफूनिकट केन्द्रीय सदस्यहरूसँग छलफल गर्दैछन्। देउवाले लुम्बिनी, कर्णाली र सुदूरपश्चिमका केन्द्रीय सदस्यहरूसँग छलफल गर्न लागेका हुन्। छलफल बूढानीलकण्ठमा हुनेछ।
भदौमा हुने पार्टीको १४औं महाधिवेशन तयारीका लागि देउवाले छलफलाई तीव्रता दिएका छन्। शनिबार उनले प्रदेश १ र २ का केन्द्रीय सदस्यहरूसँग छलफल गरेका थिए। त्यस्तै देउवाले आइतबार बागमती र गण्डकी प्रदेशका केन्द्रीय सदस्यहरूसँग छलफल गरे।
देउवा पुनः सभापतिमा उठ्ने तयारी गरिरहेका छन्। कांग्रेसले भदौ १६–१९ गते काठमाडौंमा महाधिवेशन गर्ने निर्णय गरेको छ। यससँगै देउवाले आफ्नो सक्रियता बढाएका हुन्।