जसपाको आधिकारिकता दाबीसहित निर्वाचन आयोग जाँदै उपेन्द्र पक्ष, यी हुन् ४ निर्णय

काठमाडौं- जनता समाजवादी पार्टीको उपेन्द्र यादव-डा बाबुराम भट्टराई पक्ष पार्टीको आधिकारिकता दाबी गर्दै निर्वाचन आयोग जाने भएको छ।

बिहीबार बसेको केन्द्रीय कार्यकारिणी समितिको बैठकले यस्तो निर्णय गरेको पार्टीका नेता मोहम्मद इस्तियाक राईले जानकारी दिए। 

'पार्टीको आधिकारिकता निर्वाचन आयोगमा जाने निर्णय भएको छ,' नेता राईले भने। उनका अनुसार लुम्बिनीका ४ सांसदलाई कारबाही प्रक्रिया अघि बढाउन स्पष्टीकरण सोध्ने निर्णयसमेत गरेको छ। 

यस्तै प्रधानमन्त्री केपी शर्मा ओलीको प्रतिगमनको विरुद्ध एकढिक्का पार्टीका सबै निकायलाई निर्देशन जारी गर्ने निर्णयसमेत भएको राईको भनाइ छ। सरकारले बजेटमा समावेश गरेको चुरु क्षेत्रको विनाशकारी निर्णय फिर्ता लिन आग्रह गर्ने निर्णय पनि कार्यकारिणी समितिले गरेको छ। 

कार्यकारिणी समितिका ४ निर्णय
-पार्टीको आधिकारिकता दाबी गर्न निर्वाचन आयोग जाने

-लुम्बिनीका ४ सांसदलाई कारबाही प्रक्रिया अघि बढाउने

-ओली प्रतिगमनविरुद्ध एकढिक्का हुन पार्टीका सबै निकायलाई निर्देशन जारी गर्ने

-चुरे क्षेत्र विनाशकारी हुने निर्णय फिर्ताका लागि आग्रह गर्ने