रोज होटलको छतमा रहेका दुई युवाको उद्धार 

काठमाडौं– मेलम्चीको रोज होटेलको छतमा रहेका दुई युवाको नेपाली सेनाको हेलिकप्टरले उद्धार गरेको छ। उनीहरु मंगलबार मेलम्ची बजारमा बाढी आएपछि ज्यान जोगाउन बजारस्थित रोज होटलको छतमा चढेका थिए। दोस्रो तलासम्म मेलम्ची नदीको बाढी पसेपछि उनीहरुको जीवन जोखिममा परेको थियो।

नेपाली सेनाको हेलिकप्टरले जोखिममा रहेका अन्य बासिन्दाको पनि उद्धार गरिरहेको सिन्धुपाल्चोकका डीएसपी प्रकाश सापकोटाले बताए। उनका अनुसार मदनआश्रित भवनमा रहेका थप दुई जनाको पनि उद्धार गरिएको छ।