डोटीमा पहिरोमा च्यापिएर एकको मृत्यु, दुई घाइते 

धनगढी- डोटीमा पहिरोमा च्यापिएर एक जनाको मृत्यु भएको छ भने दुई जना घाइते भएका छन्।

पहिरोमा च्यापिएर जिल्लाको केआईसिंह गाउँपालिका–३ बासुदेवी देउकाँडाका ६५ वर्षीय खडकबहादुर बमको मृत्यु भएको हो। 

पहिरोमा च्यापिएर बासुदेवीको झिगावस्तीका १३ वर्षीय पुनी कुँवर र १६ वर्षीय पुजा कुँवर घाइते भएको प्रहरीले जनाएको छ।

खानेपानी अबरुद्ध भएपछि पानी सुचारु गर्न मुहानमा गएका बमको खिरणा खोलाको पहिरोमा च्यापिएर मृत्यु भएको प्रहरीले जनाएको छ। 

पहिरोमा च्यापिएर पुनी कुँवरको हात भाचिएको छ भने पुजा कुवरको टाउकोमा चोट लागेको प्रहरीले जनाएको छ।