काठमाडौं- अविरल वर्षासँगै मेलम्ची र ईन्द्रावती नदीमा भीषण बाढी आएको छ। बाढीले मेलम्ची खानेपानीको ड्यामसमेत क्षति गरेको छ।
तिम्बु बजार, चनौटे बजार, तालामाराङ बजार, मेलम्ची बजार, याङ्री क्षतविक्षत बनाएको छ। नाकोते पूल, तिम्बु पूल, फट्टे पूल, मेलम्ची पूल, बाहुनेपाटी पूल पनि बगाएको बताइएको छ।
बाढीले दर्जनौं व्यक्ति बेपत्ता भएको स्थानीय प्रशासनको भनाइ छ। नदी किनारका संरचना ध्वस्त भएका छन्। नदीमा पानीको बहाव झन् बढिरहेको छ।
बाढीले मेलम्ची बजारका सय वर्षयताका सबै संरचना बगाएको छ।