विप्लवले गराएको बन्दले विद्यार्थी मारमा

काठमाडौं- विप्लव नेतृत्वको नेकपा निकट अखिल (क्रान्तिकारी)ले आह्वान गरेको शैक्षिक आमहड्तालका काराण विद्यार्थी मारमा परेका छन् । 

कार्यकर्ता रिहाईको माग राख्दै क्रान्तिकारीले आइतबार देशभरका स्कुल र कलेज बन्दको घोषणा गरेको हो । बन्दबारे पूर्व जानकारी नपाएकाहरु विद्यालयसम्म पुगेर फर्किएका छन् ।
 
क्रान्तिकारीका केन्द्रीय अध्यक्ष चिरञ्जीवी ढकाल, कोषाध्यक्ष नरेन्द्र विकसहितका नेता कार्यकर्ताहरुलाई केही दिनअघि चाबहिलबाट प्रहरीले पक्राउ गरेको थियो । अध्यक्ष ढकाल रिहा भए पनि विकलाई बौद्ध प्रहरीले छाडेको छैन ।

क्रान्तिकारीले कार्यकताए रिहाइका साथै शुल्क बृद्धि, माफियाकरण, विदेशी पाठ्यक्रम अनुसार पढाउँदै आएका विद्यालयको खारेजी लगायतको माग राखेर देशव्यापी शैक्षिक आमहड्ताल गरिएको जनाएको छ ।