पुलमा ठोक्किएर मोटरसाइकलमा सवार दुईको मृत्यु

चितवन- नारायणगढ–मुग्लिन सडकखण्डअन्तरर्गत चितवनको इच्छाकामना गाउँपालिका–५ स्थित २ नं पुलमा मोटरसाइकल दुर्घटना हुँदा दुई जनाको मृत्यु भएको छ । 

आइतबार बिहान करीब ७ बजे भएको दुर्घटना परी मोटरसाइकलमा सवार दुई जनाकै मृत्यु भएको जिल्ला प्रहरी कार्यालय चितवनका प्रहरी नायब उपरीक्षक शिव शर्मा आचार्यले जानकारी दिए । उनीहरुको सनाखत भएको छैन । 

मुग्लिनबाट नारायणगढतर्फ आउँदै गरेको बा६५प ३७०४ नंको मोटरसाईकल आफैँ अनियन्त्रित भई पुलको रेलिङमा ठक्कर खाँदा सो दुर्घटना भएको हो । 

दुर्घटनामा मोटरसाइकल पुलमै अड्किएको र मोटरसाइलमा सवार दुई जना उछिट्टिएर सडकबाट करीब सय मिटर तल खसेको आचार्यले बताए । शवलाई कुरिनटारस्थित सशस्त्र प्रहरीको विपद् व्यवस्थापनको टोली र जनपद प्रहरीले शव निकालेका जनाइएको छ । अफ्ठेरो स्थानमा खसेकाले प्रहरीले डोरीबाट गएर शव निकालेका थिए ।